CONTE ATOA NENO SULUHU YA EVERTON

Mara baada ya Chelsea kushuhudia ikitoka suluhu dhidi ya Everton jioni ya leo, kocha Antonio Conte akiwa katika mkutano na waandishi wa habari ameuongelea mchezo huo na kusema, ni bahati tu iliyowaokoa Everton kunusurika kufungwa leo.

Everton katika mchezo wa leo ilitawaliwa kila upande na hata kukaribia kujifunga kwa kichwa alichokipiga mlinzi wa klabu hiyo, Ashley Williams akijaribu kuokoa krosi iliyopigwa wakati timu yake ikishambuliwa.

Katika mahojiano hayo yalikuwa hivi;
Unazungumziaje mchezo wa leo;
Conte alijibu "Ni bahati tu ilikuwa kwao, maana mchezo tuliutawala na ukiangalia tulipiga mashuti 26 huku 8 yakienda golini, na mchezo tuliutawala huku wao wakitumia mashambulizi ya kushtukiza, ila nimefurahishwa na mchezo uliionyeshwa na wachezaji wangu kwa kucheza vizuri"

Unamuongeleaje Batshuayi? kwanini hukumpa nafasi acheze kama namba tisa na ukamwingiza kama mchezaji wa mabadiliko
Conte alijibu "kwanza Batshuayi msimu huu amecheza mechi nyingi na usisahau kama alitumika katika kikosi dhidi ya Bournemouth kwa hiyo namuamini, ila kwa leo nilijiandaa kuwatumia Hazard, Willian na Pedro kama washambuliaji"

Kwa mahojiano zaidi, nimekuwekea video yake hapa chini unaweza kuangalia