COURTOIS BADO NUSUNUSU CHELSEA

Kipa bora wa msimu uliopita, Thibaut Courtois amekuwa akihusishwa kujiunga na Real Madrid, klabu inayomfukuzia kwa muda sasa, lakini kuna taarifa mpya zimetoka juu ya mchezaji huyo klabuni Chelsea.

Kuna taarifa zinasema Chelsea imepanga kumpatia mkataba kipa huyo, mkataba utakaomfanya kuwa kipa anayelipwa mshahara mkubwa kuliko makipa wote duniani, Chelsea inamwandalia mkataba utakaompa paundi 200,000 kwa wiki.

Lakini kuna taarifa zinadai kuwa kipa huyo ana watoto jijini Madrid ambako aliwai kukaa huko miaka 3 pindi alipokuwa kwa mkopo klabuni Atletico Madrid ambapo kwa sababu hiyo inakisiwa inaweza kumfanya nyota huyo kuungana na Real Madrid ili aungane na familia yake.