DAVID LUIZ, KIPENZI CHA MASHABIKI

Moja kati ya walinzi bora klabuni Chelsea ni David Luiz ambaye ni raia wa Brazil ambaye alikubali kuhama PSG ili ajiunge na Chelsea, na wakati alipofika Chelsea alisema amerudi Uingereza ili abebe taji la ligi kuu Uingereza. na kweli alifanya hivyo katika msimu wake wa kwanza kurudi akiwa katika kikosi imara cha kocha Antonio Conte. Sasa nyota huyo anaonekana kutokuwa na msimu mzuri katika msimu wake wa pili toka arudi Chelsea, tena changamoto kwake zilianza baada ya Chelsea kufungwa 3-0 na AS Roma katika michuano ya klabu bingwa Ulaya huku kukiwa na taarifa alibishana na kocha mara baada ya kocha kumuelezea makosa aliyoyafanya katika mchezo huo naye kubisha.

Basi toka kipindi hicho kumekuwa na ugumu kwa Luiz akikaa benchi bila kupata nafasi katika kikosi cha Chelseahuku nafasi yake ikichukuliwa na kinda, Andreas Christensenn. Sasa nyota huyo ambaye kuna taarifa zilizotolewa na kocha kuwa nimajeruhi akajiunga na klabu nyengine akikasirishwa kuwekwa benchi huku mwenyewe akidai kuwa ameshapona.

Sasa klabu za Barcelona, Real Madrid na Arsenal zinatajwa kuwania saini yake zikimfukuzia kwa karibu huku Newcastle iliyo chini ya kocha Rafa Benitez, aliyewai kuifundisha Chelsea na kumfundisha David Luiz ikitajwa nayo kumuwania kwa mkopo.

Je kwa maoni yako unaona kipi kifanyike kwa David Luiz? Auzwe kwenda kwa wapinzani? Au abaki aendelee kupambania nafasi? au una maoni gani katika hili.