SABABU YA USAJILI WA DZEKO KUTUA CHELSEA KUCHELEWA NI HII

Chelsea imekuwa ikitajwa kuzifukuzia saini za nyota wawili wa klabu ya As Roma ambao ni Edin Dzeko na Emerson Palmieri ambao wote kwa ujumla wataigharimu Chelsea kiasi cha paundi milioni 57 ili kuwasajili nyota hao kutoka jiji la Roma na kuwaleta London, Uingereza.

Lakini ugumu unaoonekana sasa ni Chelsea kukamilisha usajili wa Edin Dzeko ambaye anatazamiwa kutua Chelsea ili kuwa mshambuliaji atakayeleta radha mpya kutokana na ukongwe wake akiwa ameshazicheza baadhi ya klabu kubwa ambazo zimekuwa zikishiriki ligi mbalimbali kama Uefa Champions ambapo amefanya ivo akiwa na As Roma huku akiwa pia mzoefu wa ligi kuu Uingereza akiwa aliwai kuichezea klabu ya Mama site (Man city).

Nyota mwenzake klabuni As Roma, Radja Nainggolan alihojiwa kuhusu kuondoka kwa nyota huyo klabuni hapo na kusema "Sidhani kama tutakoseshwa amani au kutufanya tukose umoja kisa tetesi za usajili. Dzeko ni mchezaji wa Roma na natumaini ataendelea kubaki hapa"

"Muhimu ni mmoja wa wachezaji wa Roma, na ataendelea kupigana kwa nguvu zake na uwezo wake kwa kuwa ni mchezaji wa Roma, kama alivyoipigania katika mchezo dhidi ya Sampordia"

"Anaonekana kuwa sawa muda wote, ni mchezaji mwenye kipaji kikubwa lakini pia ni mchezaji wa kiwango cha juu. Hajabadilika kutokana na tetesi hizi, bado yupo vilevile kila siku"

"sidhani kama Roma itateleleka kisa kutokuwepo kwake, Dzeko ni mshambuliaji mwenye nguvu na ameshalidhihirisha hilo. Kiukweli, hakuna mchezaji anayetaka aondoke" alisema nyota huyo raia wa Ubelgiji ambaye mwenyewe pia alishawai kutakiwa na Chelsea.