MSIKIE KOCHA WA ROMA ANACHOSEMA JUU YA DZEKO KUTUA CHELSEA

Kocha wa klabu ya As Roma inayoshiriki ligi kuu Italia, Eusebio di Fransesco amemjumuisha nyota Edin Dzeko kwenye kikosi kitakachocheza kesho katika mchezo dhidi ya Sampordia wakati kuna taarifa za nyota huyo kuungana na Chelsea muda wowote kuanzia sasa.

Chelsea inatajwa kumalizana na wakala wa nyota huyo juu ya mahitaji binafsi ya nyota huyo ili aungane na Chelsea na kuna taarifa zilithibitisha kuwa nyota huyo anategemewa kutua London na kujiunga na Chelsea siku ya leo jumanne lakini bado kocha wake amemuhesabia bado kama yupo ikileta wasiwasi kuwa huenda nyota huyo hatojiunga na Chelsea licha ya kusambazwa picha zikimuonyesha akijiandaa na safari.

"Kutokana na mambo yalivyo kwa sasa, labda ataweza. Nitajaribu kuongea nae na kumuuliza anawaza nini kwa sasa" alisema kocha huyo alipoulizwa kama Dzeko atakuwewpo kwenye mchezo wa kesho.

Chelsea inatajwa kumuwania nyota huyo huku kukiwa na taarifa kuwa walishakubaliana na klabu yake huku kukiwa na makubaliano ya kutoa kiasi cha paundi milioni 50 ili kumnasa nyota huyo pamoja na mwenzake amaye ni mlinzi wa kushoto wa klabu hiyo, Eerson Palmieri.