CONTE AELEZEA SABABU YA CHELSEA KUACHANA NA SANCHEZ

 Kocha wa Chelsea, Antonio Conte ameeleza sababu ya kuachana na nyota wa Arsenyani (Arsenal), Alexis Sanchez ambaye siku kadhaa nyuma alitimiza uhamisho wake wa kujiunga na klabu ya Manyumbu (Man utd) huku akiweka rekodi mpya ya kuwa mchezaji anayepokea mshahara mkubwa kwa wiki, akiwa anapokea paundi 400,000.

"Nadhani katika kpindi hiki kuna klabu mbili tu katika ligi hii ambazo zipo juu. Wapo pale na wakati sisi wengine ni lazima tupambane zaidi kugombania nafasi ya kufudhu kucheza klabu bingwa Ulaya. Ilo linatokea sio hapa tu"

"Hizo klabu mbili kubwa zinaweza kuwa hatari sana kwa klabu nyengine duniani. hizo timu mbili zina nguvu na zipo tayari kwa ajili ya kupambana na zipo tayari kwa ajili ya kuwekeza nguvu zao. Alexis Sanchez, ni klabu mbili au moja zinazoweza kumlipa mshahara anaotaka"

"Hatukujaribu kumsajili. Kamwe, sababu haswa ikiwa mshahara aliotaka"

Alipoulizwa juu anadhani ni klabu gani zinazoweza kutoa kiasi hicho cha pesa kilichotakiwa na nyota huyo raia wa Chile, Conte alijibu "Sijui, lakini nadhani ni United. Kwa kuwa wamemlipa. Lakini sio kwa timu nyengine." alisema kocha Antonio Conte.

Chelsea ilikuwa ikitajwa kumuwania nyota huyo mara baada ya Mama Site (Man city) kuonekana kujitoa kutokana na kutokutana kutoa kiasi cha uhamisho zaidi ya paundi milioni 20.