Chelsea kumtoa kafara Alvaro Morata ili kumnasa nyota wa Argentina

Vyanzo vitatu tofauti vya nchini Italia vimeitaja klabu ya Chelsea kumfukuzia mshambuliaji raia wa Argentina anayeichezea klabu ya Inter Milan ya nchini Italia, Mauro Icardi ambaye ameachwa na timu yake ya taifa kwenye kikosi kitakachoshiriki kombe la dunia huko nchini Urusi.

Chelsea inatajwa kuandaa dau la paundi milioni 35 mpaka 40 pamoja na mshambuliaji wake Alvaro Morata ili imnase Icardi.

Mauro Icardi amekua akitajwa kwa muda sasa kutakiwa na Chelsea ameiongoza vyema Inter Milan kufudhu kucheza klabu bingwa barani Ulaya kwa msimu ujao na Chelsea inatajwa kumfukuzia ili ijiweke sawa kwenye safu yake ya ushambuliaji.

Nyota huyo aliwai kuhojiwa juu ya kutakiwa kwake na klabu kadhaa na kusema "Tetesi za kutakiwa ni nzuri, maana zinaonyesha kwa kiasi gani unapendwa. Lakini Inter Milan ni klabu niliyoipenda toka nilipokua mdogo, nakumbuka ilikua kila nikicheza michezo ya video (Play Station) nilikua naipenda sana Inter Milan"