Chelsea yatua kwa Higuain, Juventus wataja dau lake

Klabu ya Chelsea inatajwa kuonyesha nia ya kumsajili mshambuliaji wa klabu ya Juventus ambao ni mabingwa wa ligi kuu nchini Italia, Gonzalo Higuain.

Chelsea haionekani kuridhishwa na kiwango cha mshambuliaji wake, Alvaro Morata aliyesajiliwa akitokea Real Madrid ya nchini Hispania ambapo alisajiliwa kwa dau la paundi milioni 60 na sasa nyota huyo anatajwa kukaribia kuondoka Chelsea na kusababisha klabu hiyo kuisaka saini ya Higuain ambaye ni raia wa Argentina.

Klabu ya muargentina huyo, klabu ya Juventus imetaja dau la thamani ya mshambuliaji huyo kama kuna klabu itakayomtaka. Euro milioni 55 ni kiasi kinachotakiwa ili nyota huyo aachane na klabu hiyo.