Chelsea yakubali kumuachia Hazard, ila ni kwa sharti moja tu!

Klabu ya nchini Hispania, Real Madrid imekuwa ikiisakama klabu ya Chelsea kwa muda mrefu sasa huku ikionyesha nia na mpango wake wa kumnasa winga wa Chelsea, Eden Hazard.

Imekua ikimfukuIa kwa muda mrefu winga huyo raia wa Ubelgiji huku Chelsea ikikataa kusikia ofa yoyote kutoka kwa klabu hiyo na sasa inaelezwa kama Madrid wanamtaka nyota huyo mwenye miaka 27 basi ni lazima imruhusu winga wake Marco Asensio ajiunge na Chelsea kama biashara ya mabadilishano.

Chelsea inatajwa kukubali kumuachia Hazard ili ajiunge na klabu hiyo ya Santiago Bernabeu lakini kama tu itamruhusu Asensio ajiunge na Chelsea.

Darajani 1905 inaamini usajili huu umependekezwa na mmiliki wa klabu hiyo, Roman Abramovich ambaye mwanzoni alikuwa akimtamani Cristiano Ronaldo kabla ya kushauriwa na kuambiwa ni vyema akimtaka Asensio maana ana muda mrefu wa kucheza kuliko Ronaldo.