Sarri anawataka wachezaji 4 ili atue Chelsea

Kocha raia wa Italia, Maurizio Sarri tayari ameshaachana na klabu ya Napoli aliyokua anaifundisha na sasa ni kocha huru ambaye hana timu anayoifundisha. Kocha huyo anakaribia kutua Chelsea huku magazeti mengi yakieleza kuachana kwake na Napoli ni kutokana na kutaka kuifundisha Chelsea inayotajwa kukaribia kuachana na kocha wake Antonio Conte ambaye kwa misimu miwili ameisaidia Chelsea kushinda mataji mawili (Ligi kuu Uingereza na kombe la FA).

Lakini kocha huyo mwenye miaka 59 kwa sasa anataka kama atatua Chelsea basi klabu hiyo ihakikishe inawasajili nyota wanne kutoka Napoli ili atue pamoja nao klabuni Chelsea.

Elseid Hysaj anayecheza kama mlinzi sawa na Raul Albiol pamoja na kiungo Piotr Zielinski wote wanatajwa kutakiwa na kocha huyo kama Chelsea ikimhitaji mzee huyo mwenye sifa ya kuvuta sigara akiwa uwanjani.

Nyota mwengine wanne anayetajwa kutakiwa na kocha huyo ni pamoja na Kalidou Koulibaly ambaye amekua akitakiwa sana na Chelsea toka kwenye dirisha kubwa la mwaka jana lakini ikashindwa kumnasa. Koulibaly ambaye anacheza nafasi ya ulinzi akiwa ni raia wa Senegal anatajwa kwa muda mrefu kutakiwa na Chelsea iliyowai kuripotiwa kuwa tayari kutoa paundi milioni 60 ili kumnasa.