CONTE NDIYE ANAYEZUIA USAJILI WA DZEKO

Chelsea inamfukuzia kwa karibu mshambuliaji wa klabu ya As Roma, Edin Dzeko huku nyota huyo akitajwa kupendekezwa na kocha Antonio Conte akimtaka ili asajiliwe.

Mpaka sasa kikwazo katika usajili huo ni miaka ya mkataba, Chelsea inataka nyota huyo akubali kutua kwa mkataba wa miezi 18 huku ikiwa tayari kutoa paundi milioni 26 kwa klabu yake, wakati nyota huyo anataka mkataba wa miaka miwili na nusu.

Sasa, kikwazo kinachoufanya mpango huo uchelewe, ripoti zinasema Chelsea ina wasiwasi wa kumpoteza kocha Antonio Conte mara baada ya msimu huu kumaliza, na Chelsea huwa haina kanuni ya kumsajili mchezaji mwenye miaka zaidi ya 30 alafu ikampa mkataba wa zaidi ya mwaka mmoja, sasa hofu iliyopo ni je ikubali kumpa mbosnia huyo miaka miwili wakati kuna uwezekano kocha anayemtaka anaweza akaondoka?

Bodi ya Chelsea inajaribu kumbembeleza mshambuliaji huyo mwenye miaka 31 kwa sasa ili akubali kusaini mkataba wa miezi 18 ambao ni sawa na mwaka mmoja na nusu ili ata kama kocha Antonio Conte akiondoka basi nyota huyo asiwe na muda mrefu klabuni hapo.

Kwa maana hiyo, Darajani 1905 inaelewa kama kuna uhakika wa kocha Antonio Conte kusalia zaidi klabuni hapo basi Chelsea itakuwa tayari kumsajili mshambuliaji huyo kwa mkataba wa miaka miwili na nusu anaoutaka.