CHELSEA KUMTUMIA MUSONDA KUMNASA NYOTA MWENGINE

Nyota wa Chelsea, charly Musonda Jr anatajwa kuwasili rasmi jijini Glasgow nchini Scotland ambapo amefika huko ili kujiunga na klabu ya Celtic ambayo ataichezea kwa mkopo wa mizei 18 ambapo hapo ataungana na kocha wa zamani wa Chelsea, Brendan Rodgers.

Nyota huyo mwenye miaka 21 ametua jijini hapo leo hii ili kukamilisha rasmi usajili huo ambapo pia alikuwa akitakiwa na klabu kadhaa ili akaungane nazo kuzichezea kwa mkopo.

Charly Musonda bado ana mkataba wa kuendelea kusalia Chelsea ambapo mwaka jana alisaini mkataba mpya wa miaka mitano na mkopo huo unamaanisha kumfanya mchezaji huyo kwenda kutafuta nafasi zaidi ya uzoefu ili aje atumike baadae kwenye kikosi kamili cha Chelsea.

Lakini pia sisi kama Darajani 1905 tunaamini huenda mkopo huo ukawa ni njia mojawapo ya Chelsea kujiweka karibu kwa klabu hiyo ili kumnasa nyota wake Moussa Dembele ambaye amekuwa akitakiwa na Chelsea mara kadhaa.