BATSHUAYI AMRUSHIA MPIRA CONTE

Mara baada ya kuiongoza vyema Chelsea katika mchezo wa kombe la FA huku akifunga magoli mawili, Michy Batshuayi hajui lolote juu ya baadae yake klabuni Chelsea.

Mara baada ya mchezo kuisha, nyota huyo raia wa Ubelgiji aliulizwa juu ya mustakabali wake klabuni Chelsea kama ataondoka au ataendelea kusalia, nyota huyo alijibu "Muhimu kwangu mimi ni kutimiza lile nalotakiwa kutimiza. Kuhusu kuondoka au kubaki nadhani hilo anatakiwa kujibu Conte. Ila mimi kama mimi nina furaha kuwa hapa na najitahidi kutumia nafasi kila napopata"

Batshuayi amekuw akihusishwa kuondoka klabuni Chelsea huku klabu kama za Sevilla na Borrusia Dortmund zikitajwa kumfukuzia mshambuliaji huyo mwenye miaka 24 kwa sasa.

Je unadhani kuna haja ya kuendelea kubaki nae au aondoke?