CONTE AMJIBU BATSHUAYI JUU YA HATMA YAKE

Chelsea imepata ushindi muhimu jioni ya leo katika mchezo wa raundi ya nne ya kombe la FA ikiibamiza Newcastle mabao 3-0 na kufanikiwa kufudhu kucheza hatua inayofata ya michuano hiyo ambapo michezo itapangwa kesho jumatatu tarehe 29-Januari.

Mara baada ya mchezo wa leo, kocha wa Chelsea alifanyiwa mahojiano kama ilivyokawaida ya makocha kufanyiwa mazungumzo mara baada ya mchezo.

Na moja ya maswali aliyoulizwa ni juu ya mustakabali wa mshambuliaji Michy Batshuayi ambaye ameifungia Chelsea magoli mawili kati ya matatu katika mchezo wa leo.

"Kiukweli kwa hilo sifahamu, labda angeulizwa mwenyewe kama anafikiria kuondoka ama laah  Ni mchezaji mdogo ila mwenye uwezo mkubwa na anajaribu kudhihirisha ubora wake."

"Na kama mnavyofahamu, Chelsea kuna washambuliaji wawili tu bora ata kungekuwa na washambuliaji watatu, wanne ama watano. Muhimu ni kutumia nafasi pale unapopewa" alisema kocha Antonio Conte.

Majibu hayo yamekuja mara baada ya nyota mwenyewe Michy Batshuayi kuulizwa juu ya hatima yake na kusema hilo anapaswa kuulizwa Conte.

Jumatano ya wiki inayoanza kesho ndio itakuwa siku ya mwisho ya dirisha dogo la usajili huku mpaka sasa Chelsea imekamilisha usajili wa wachezaji wawili ambao ni Ross Barkley na Thierno Ballo ambaye mwenyewe amesajiliwa ili kuingia kwenye kikosi cha vijana.

Je unadhani kuna umuhimu wa Chelsea kuongeza mshambuliaji mwengine?