CHELSEA BADO YAMFUKUZIA SUAREZ

Chelsea inahangaika kupata uwiano mzuri wa kufunga magoli, haswa katika kipindi iki ambacho inaonekana safu ya ushambuliaji haipo vizuri huku ikishindwa kupata magoli katika michezo mitatu mfululizo.

Mchambuzi wa soka Ian McGarry ameongelea mpango wa Chelsea kumfukuzia nyota na kinda wa klabu ya Barcelona, Denis Suarez ambaye anaonekana anaweza kuuzwa kutokana na kushindwa kupata nafasi katika kikosi cha klabu hiyo.

"Antonio Conte anamwelewa Michy Batshuayi na alimpa nafasi aweze kumuonyesha kuwa anaweza kupambania nafasi lakini Batshuayi ameshindwa kulitimiza hilo, na inavyoonekana Michy ili ateuliwe kwenye kikosi cha Ubelgiji cha kwenda kombe la dunia itambidi atafute timu atakayopata nafasi zaidi"

"Na kuondoka kwake kikosini maana yake Chelsea itamtaka kwa karibu zaidi Denis Suarez ambaye anaonekana yupo karibu kuondoka klabuni pale" alisema mchambuzi huyo.

Je unazani Chelsea inamhitaji Suarez?