CHELSEA YAMTAKA NYOTA WA MADRID

Chelsea inaweza ikapeleka ofa muda wowote kwa klabu ya Real Madrid juu ya kumsajili nyota wa klabu hiyo, kinda Oscar Rodriguez mwenye miaka 19 ambaye ni raia wa Hispania.

Oscar Rodriguez ambaye ameshaichezea Madrid mchezo mmoja mpaka sasa hivi huku akitajwa kuwa na sifa kubwa mpaka baadhi ya vyombo vya habari kumpa sifa ya kuwa Frank Lampard mpya anawaniwa pia na Barcelona ya nchini Hispania.

Kutua kwa Oscar ndani ya Chelsea kunamaanisha nyota huyo anaweza kutolewa kwa mkopo au akaendelea kuichezea Chelsea ya watoto.