HABARI MUHIMU KUELEKEA BRIGHTON vs CHELSEA

Kuelekea mchezo wa leo jioni ambapo Chelsea itakuwa ugenini kupambana dhidi ya Brighton ambayo inacheza ikiwa nyumbani kwenye uwanja wake wa Falmer Stadium.

Hapa nakuletea habari muhimu kuelekea mchezo huo ambapo kama Chelsea ikishinda itafikisha alama 50.

Habari muhimu;
Chelsea; Chelsea leo itakuwa uwanjani huku ikiwakosa nyota wake kadhaa ambao ni Gary Cahill na Cesc Fabregas watakaokuwa nje kutokana na majeruhi huku Thibaut Courtois nae anaweza asicheze mchezo wa leo kutokana na majeruhi aliyoyapata akiwa mazoezini.

Pedro na Alvaro Morata wataukosa mchezo wa leo kutokana na kutumikia adhabu ya kadi nyekundu walizozipata katika mchezo uliopita dhidi ya Norwich. Huku Ross Barkley anaweza kucheza mchezo wake wa kwanza maalumu kwa Chelsea toka asajiliwe.

Brighton & Hove Albion; Hawa majamaa wao wataendelea kumkosa mchezaji wao mmoja anayeitwa Steve Sidwell lakini pia itamkosa Izzy Brown ambaye naye yupo majeruhi ingawa hata kama angekuwepo huenda asingecheza mchezo huu kutokana na nyota huyo ni mchezaji halali wa Chelsea ila yupo Brighton kwa mkopo. Na kwa sasa amerudi Chelsea ambapo matibabu yake yote yapo chini ya Chelsea.

Mwamuzi; Johnason Moss ambaye kwa msimu huu ameshachezesha michezo 21 na ametoa kadi za njano 74 na kadi nyekundu 3 lakini jambo zuri kuhusu mwamuzi huyu, katika michezo yote aliyohusika kuwa mwamuzi msimu huu basi Chelsea imepata ushindi.
•Chelsea 2-0 Everton, akitoa kadi za njano 4 na hakutoa kadi nyekundu.
•Chelsea 4-2 Watford, akitoa kadi za njano 5 na hakutoa kadi nyekundu.
•West Brom 0-4 Chelsea, akitoa za njano 5 na hakutoa kadi nyekundu.

h2H; Katika mchezo wa mwisho ambapo Chelsea ilikuwa nyumbani iliitandika Brighton magoli 2-0.

Michezo iliyopita;
Chelsea; WDDDDD
Brighton; WDLLDW

Muda; Saa 03:30 Jioni (Saa 15:30) kwa saa za Afrika Mashariki