KANTE AFATWA TENA NA VIGOGO WA ULAYA

Nyota wa Chelsea, N'golo Kante anatajwa kuwa chaguo la kwanza kwa matajiri wa klabu ya nchini Ufaransa, klabu ya PSG ambao wanatajwa kumtamani nyota huyo ili atue kwenye klabu yao mwishoni mwa msimu huu katika dirisha kubwa la usajili.

Klabu hiyo ambayo ni matajiri wa jiji la Paris wanatajwa kumfanya Kante kuwa usajili chaguo lao la kwanza wakiwa na lengo la kumtafuta kiungo mkabaji atakayeweza kuchukua nafasi ya kiungo wao wa sasa klabuni hapo, Thiaggo Motta ambaye anaonekana kutupwa mkono na soka la ushindani kutokana na umri wake ambapo kwa mwaka huu atatimiza miaka 36.

Chelsea ilimnasa Kante kutokea klabu ya Leicester city kwa dau la paundi milioni 36, na kuisaidia Chelsea kutwaa taji lake la ligi kuu, likiwa taji la pili ndani ya misimu mitatu. Nyota huyo raia wa Ufaransa aliwai kuhojiwa juu ya tetesi za kuhusishwa kwake kuondoka Chelsea naye akasema alipata maombi ya kusajiliwa na klabu ya Olympique Marseillle pekee, lakini atakaa chini na kuwaza nini cha kufanya kabla ya kufanya maamuzi.