MORATA AWAPA FURAHA MASHABIKI WA CHELSEA

Nyota wa Chelsea, Alvaro Morata amewapa furaha mashabiki wa Chelsea mara baada ya kutumia mtandao wa Twitter kuwatoa hofu mashabiki wa klabu hiyo ya jiji la London mara baada ya kutuma ujumbe kwenye mtandao akionyesha kuimarika na kukaribia kurudi uwanjani tofauti na inavyoenezwa kuwa nyota huyo huenda akakaa nje kwa muda mrefu.

"Nimetoka mazoezi, na tayari kurudi nyumbani" ni ujumbe alioutuma huku akiuonganisha pamoja na picha akiwa kwenye gari pamoja na winga wa Chelsea, Davide Zappacosta leo mchana.

Kulienea taarifa kuwa nyota huyo ghali klabuni hapo atakaa nje kwa muda mrefu ambapo kocha wa Chelsea, Antonio Conte jana alisema hajui nyota huyo ni lini atarejea uwanjani, iwe kwa karibuni au atachelewa zaidi kutokana na maumivu yake ya mgongo.

Nyota huyo amekosekana kutokana na majeraha hayo lakini sasa anaweza akawai kurejea uwanjani na kuwa tofauti na yale yaliyosambazwa juu ya nyota huyo kukosekana kwa muda mrefu.