HAZARD KUFANYIWA MABADILISHANO NA NYOTA WA MADRID

Klabu ya Real Madid bado inahangaika kuishawishi Chelsea juu ya mpango wake wa kumsajili nyota wa klabu hiyo, Eden Hazard, na sasa inalezwa imeifata tena Chelsea kwa ushawishi mkubwa mara baada ya ushawishi wao kugonga mwamba mara ya kwanza walipojaribu kuishawishi ifanye mabadilishano ya kuipa winga wake, Gareth Bale na wao wamchukue Hazard ambapo ushawishi huo uligonga mwamba, na sasa klabu hiyo inataka kumtoa nyota mwengine.

Taarifa zinadai kuwa klabu hiyo ipo tayari kumtoa winga wake, Marco Asensio ili ajiunge na Chelsea kwa mabadilishano ya kumbeba Hazard ambapo kabla nyota huyo alisema angehama klabuni hapo kama tu ikifanikiwa kumnasa Hazard, na sasa klabu hiyo inataka kumtumia nyota huyo ambaye anaonekana ni ngumu kupata nafasi tena katika kikosi cha sasa kutokana na kurejea kwa Bale aliyekuwa kwenye majeruhi.

Kumtumia Asensio katika usajili huu inaonekana wamepania kumvuta nyota huyo raia wa Ubelgiji ambaye amekuwa akitafutwa na klabu hiyo hata kabla hajatua Chelsea, kipindi akiwa klabuni Lille.