HABARI MUHIMU KUELEKEA ARSENAL vs CHELSEA

Kuelekea mchezo wa leo usiku kati ya Chelsea dhidi ya Arsenyani (Arsenal) utakaochezwa kwenye dimba la Emirates lililochini ya Arsenyani hapa nakuletea habari muhimu kuelekea kwenye mchezo huo wa nusu fainali ya pili katika kombe la ligi la Carabao huku katika nusu fainali ya kwanza, mchezo huo uliisha kwa suluhu ya 0-0.

Habari muhimu;
Chelsea; Leo Chelsea itaendelea kuwakosa Alvaro Morata ambaye safari hii yupo nje kutokana na majeruhi lakini pia Cesc Fabregas naye ataendela kuwa nje kutokana na majeraha lakinipia Thibaut Courtois na Andreas Christensen watakuwa wakirudi ambapo mchezo uliopita Courtois alikuwa nje kutokana na majeruhi wakati Christensen alitoka katikati ya mchezo kutokana na kupigwa kichwani.
Gary Cahill na Danny Drinkwater nao watarudi kwenye mchezo huu wakitokea majeruhi.

Arsenal; Kwa upande wa hawa watawakosa Olivier Giroud na Danny Welbeck huku pia Wilshere na Nacho Monreal nao wakionekana wagonjwa lakini huenda kocha wao Arsene Wenger akawatumia maana huwa ana michezo ya kusema mchezaji majeruhi alafu mkiingia kwenye mchezo unashangaa wapo ndani.

Mwamuzi; Michael Oliver ndiye atakuwa mwamuzi wa mchezo wa leo ambapo mapaka sasa ameshachezesha michezo 25 kwa msimu huu huku akiwa ameshatoa kadi 94 za njano na kadi 5 nyekundu. Wakati kwa msimu uliopita alitoa kadi 138 za njano na kadi nyekundu 5. Ni mmoja kati ya waamuzi wanaopenda sana kutoa kadi lakini pia ana rekodi ya kuwa mwamuzi mdogo zaidi kwenye ligi kuu Uingereza ambapo rekodi hiyo aliiweka akiwa na miaka 25 na siku 182 ambapo kwa sasa ana miaka 32.

Rekodi;
Mara ya mwisho kwa Chelsea kupoteza dhidi ya Arsenal katika kombe la ligi ilikuwa mwaka 1998 ambapo Chelsea ilipoteza kwa kufungwa 2-1, toka mwaka huo mpaka leo, Chelsea imekuwa na rekodi nzuri dhidi ya Arsenal.

Mechi zilizopita;
Chelsea; DDDDW
Arsenal; DLDLW

Muda; Kwa saa za Afrika Mashariki, mchezo huu utapatikana saa 11:00 usiku (Saa 23:00)