MUSONDA KUONDOKA CHELSEA JUMATATU

Moja ya nyota wa Chelsea waliolelewa kwenye akademi ya Chelsea anayetabiriwa kuja kuwa nyota baadae, Charly Musonda Jr anaweza akakamilisha uhamisho wake wa mkopo akitimkia klabu ya nchini Scotland, klabu ya Celtic ambayo ipo chini ya kocha wa zamani wa Chelsea, Brendan Rodgers.

Taarifa zinasema, Chelsea inakaribia kumruhusu nyota huyo aungane na klabu hiyo iliyochini ya kocha wa zamani wa Chelsea mara baada ya nyota huyo kuwa na nafasi finyu ya kucheza katika klabu ya Chelsea huku akitumika mara chache kucheza kikosi cha vijana wa Chelsea kinachoshiriki michuano ya Checkatrade.

Celtic ambao ni mabingwa watetezi wa ligi kuu nchini humo inakaribia kumnasa nyota huyo kwa mkopo wa mwaka mmoja na nusu yaani kurejea kwake Chelsea iwe baada ya msimu wa 2018-2019 kuisha.

Usajili huo unasemekana kumalizika siku ya jumatatu ambapo itakuwa kabla ya dirisha la usajili kufungwa siku ya jumatano tarehe 31-Januari.