MADRID WAPANGA KUFANYA KUFURU KWA HAZARD

Klabu ya Real Madrid ambao ni mabingwa watetezi wa taji la klabu bingwa Ulaya maarufu kama Uefa Champions League lakini pia wakiwa mabingwa watetezi wa taji la ligi kuu nchini Hispania wamekuwa na msimu mbovu wakiachwa alama 19 na wapinzani wao wakubwa kwenye ligi kuu Hispania, Barcelona lakini pia juzi wakitoka kutolewa katika michuano ya kombe la mfalme maarufu kama Copa del Ley wamepanga kufanya kufuru katika usajili kwa kutumia fungu kubwa kuwavuta baadhi ya nyota wa ligi kuu Uingereza huku Eden Hazard akitajwa kuwa mmoja wao.

Kwa taarifa zilizotoka zinadai tajiri na rais wa klabu hiyo, Fiorentino Perez amepanga kutumia kiasi cha paundi milioni 500 ili kuwavuta nyota watatu kutoka Uingereza ambao ni pamoja na Eden Hazard kutoka Chelsea, Harry Kane kutoka Tottenham na David de Gea kutoka Manyumbu (Man utd).

Eden Hazard amekuwa akihusishwa kwa karibu na usajili huo ambapo kabla kilitajwa kiasi cha paundi milioni 120 ili kumng'oa nyota huyo klabuni Chelsea, lakini kwa sasa inatajwa Real Madrid wapo tayari kutumia kiasi cha paundi milioni 200 ili kumsajili nyota huyo raia wa Ubelgiji, huku pia kwa Harry Kane wakitaka kutoa dau hilohilo lakini kwa De Gea wamepanga kutumia paundi milioni 100.