Embu msikie Laurent Blanc akiongelea kutakiwa na Chelsea

Chelsea inatajwa kuachana na kocha wake Antonio Conte na kumleta kocha mpya kikosini hapo huku ikitajwa kuhusishwa kuwataka makocha mbalimbali ikiwemo kocha wa zamani wa klabu ya PSG na timu ya taifa ya Ufaransa, Laurent Blanc.

Blanc ambaye kwa sasa hana timu anayoifundisha amefanyiwa mahojiano na moja ya chombo barani Ulaya na kusema sasa ni muda wake wa kuionyesha yeye ni kocha bora kama alivyoziongoza timu ya taifa ya Ufaransa pamoja na PSG aliyoshinda nayo mataji matatu ya ligi kuu nchini humo.

Kocha huyo amesema anatamani kutoka na kwenda kufundisha nje ya Ufaransa ili kuuonyesha ubora wake kauli iliyotafsiriwa kutamani kwake kukamilisha kwa uhamisho unaozungumziwa kwa karibu kwamb anaweza kuirithi nafasi ya Antonio Conte klabuni Chelsea.

Kocha huyo ambaye msimu wa 2008-2009 alifanya makubwa akiwa na klabu ya Bordeaux kwa kubeba ligi kuu pamoja na kombe la ligi nchini Ufaransa anasema kukaa kwake nje toka mwaka 2016 kumemfanya kuwa vyema kiakili na ubora wake kuongezeka na hivyo kuhitaji klabu ya nje ya Ufaransa ili afanye makubwa.

Je atafaa kutua Chelsea?