CONTE KUFUNGIWA MILANGO ITALIA

Kocha wa Chelsea, Antonio Conte amekuwa akihusishwa kutaka kuondoka klabuni Chelsea ifikapo mwishoni mwa msimu huu licha ya kubakisha mwak mmoja kwenye mkataba wake wa sasa wa klabuni hapo. Kocha huyo amekuwa akihusishwa kutaka kurudi nchini kwao Italia ambapo huko amekuwa akihusishwa kutaka kurudi kwenye timu ya taifa ya Italia ambayo aliwai kuifundisha kabla ya kuja Chelsea.

Moja ya timu alizokuwa akihusishwa nazo kutaka kujiunga ni klabu ya Ac Milan ambayo yenyewe imehusishwa kumtaka kocha huyo toka kipindi cha kiangazi cha dirisha kubwa la usajili. Lakini sasa mpango huo unaweza ukafutika muda wowoe mara baada ya klabu hiyo kukaribia kumpa mkataba mpya kocha wao wa sasa, Gennaro Gattuso ambaye alishawai kuwa mchezaji wa timu hiyo.

Ac Milan inakaribia kumpa mkataba wa miaka miwili na nusu kocha huyo ili aendelee kuinoa timu hiyo na hivyo kufunga milango kwa kocha huyo ambaye pia amewai kuhusishwa kutakiwa na vilabu vingine vikubwa kama PSG, Real Madrid, Inter Milan na klabu nyengine ikiwemo timu ya taifa ya Italia.