HATMA YA HAZARD, YAGEUKIA KWA NEYMAR

Chelsea inahangaika kwa muda mrefu kufanya mazungumzo na nyota wake ambaye ni raia wa Ubelgiji, Eden Hazard ambapo imewai kuripotiwa kuwa nyota huyo amegoma kusaini mkataba mpya wa kuendelea kusalia klabuni hapo. Lakini sasa ni kama majibu ya kumbakisha mchezaji huyo aendelee kuvaa jezi za Chelsea yatakuwa yamepatikana.

Taarifa zinzolipotiwa na chombo kimoja cha habari nchini Uingereza ambacho chenyewe kimejitenga kwa jiji la London tu, ikitoa habari kuhusu taarifa zinazohusiana na habari katika jiji hilo kinaeleza kuwa ili Eden Hazard aendelee kusalia kuwa mchezaji wa Chelsea bsi inatakiwa klabu hiyo ikamilishe usajili wake wa kumsajili nyota wa klabu ya PSG, Neymar Jr.

Taarifa hizo zinaeleza kuwa Neymar ameibuka kuwa chaguo mojawapo linalotajwa kutua klabuni Real Madrid katika dirisha kubwa linalokuja na nyota huyo anatajwa kuungana na klabu hiyo muda mfupi toka asajiliwe na klabu hiyomatajiri wa Ufaransa. Huku likieleza zaidi kutokana na mchezo wa jana ambpo PSG ilicheza dhidi ya Real Madrid nchini Hispania linaweza kuwa jambo litakalochochea usajili wake wa kujiunga na mabingwa watetezi hao wa klabu bingwa Ulaya.

Ili kumfanya nyota Eden Hazard basi inabidi usajili wa Neymar ukamilike licha ya nyota huyo kukiri mara kadhaa kuwa anatamani kucheza chini ya uongozi wa kocha wa sasa wa Real Madrid, Zinedine Zidane kutokana na kupendezwa na gwiji huyo toka akiwa mdogo.

Eden Hazard alifanyiwa mahojiano na chombo kimoja cha habari juu ya hatma yake ya kutakiwa na Rea Madrid, naye alisema "Katika soka huwezi jua, kitu chochote kinaweza kutokea kwa muda wowote. Kwa sasa nina furaha ya kuendelea kubaki Chelsea. Nakumbuka miaka kumi iliyopita Zidane aliongea kuhusu mimi kwa mara ya kwanza, lilikuwa ni jambo zuri sana kwangu"

"Alikuwa ni shujaa yangu toka nikiwa mdogo. Nilikuwa naangalia video zake, na sasa ni kocha wa klabu bora duniani, ni jambo kubwa. Lakini sitaki kuacha kuendelea kupambana, nataka kupambana zaidi na kuonyesha ubora wangu uwanjani" alisema nyota huyo.