Batshuayi atoa kauli iliyowashangaza wengi

Nyota wa Chelsea, Michy Batshuayi amezua gumzo mitandao mara baada ya kutoa majibu yaliyowaacha wengi wakibaki kuwa na hamu ya kusubiri kuona nini kitatokea ifikapo mwisho wa msimu.

Nyota huyo anayecheza kwa mkopo kwenye klabu ya Borrusia Dortmund alifanyiwa mahojiano na kuulizwa kama ataendelea kubaki klabuni hapo mara baada ya mkopo wake kuisha au anawaza kurejea Chelsea.

"Kwa sasa siliwazi hilo. Muhimu kwa sasa natamani kuendelea kupambana. Nimefika hapa na nimepokewa vizuri hapa, naupenda uwanja huu (wa Dortmund) na mashabiki wake niwakipekee."

"Najisikia kuwa na furaha na nafurahia kuona nimerejea kwenye ubora wangu. Huyu ndiye Michy waukweli. Najiona najiamini zaidi, na mchezaji ili awe bora ni lazima ajiamini" alisema nyota huyo mwenye miaka 24 kwa sasa.

Nyota huyo mpaka sasa ameshaichezea Dortmund michezo 11 huku akiifungia magoli nane huku akionekana kuwa bora zaidi kuliko akiwa klabuni Chelsea ambapo alikuwa akitumika kama mbadala.