Hazard atoa majibu juu ya kufananishwa kwake na Messi

Nyota wa Chelsea, Eden Hazard amekuwa muhimili mkubwa ndani ya klabu ya Chelsea huku akiiongoza vyema kushinda mataji kadhaa mpaka kufikia sasa tangu ajiunge na klabu hiyo mwaka 2012 akitokea klabu ya Lille ya nchini Ufaransa.

Kiwango na ubora wa nyota huyo kuliwafanya baadhi ya wachambuzi na wapenda mchezo wa soka kuanza kumfananisha nyota huyo na mastaa kadhaa duniani akiwemo nyota wa klabu ya Barcelona, Lionel Messi ambaye walikutana kwa mara ya kwanza kwenye michezo ya hatua ya 16 bora ya ligi ya mabingwa Ulaya huku Messi akiisaidia klabu yake kufudhu hatua hiyo na kuitupa nje Chelsea.

"Hapana, sio sawa kufananishwa na Messi, hiyo haiwezekani. Yeye anaubora mkubwa tofauti na sisi" alisema nyota huyo ambaye kwa sasa yupo na timu ya taifa ya Ubelgiji ambayo inajiandaa kushuka uwanjani kucheza mchezo wa kirafiki.