Habari muhimu kuelekea Southampton vs Chelsea

Chelsea ipo ugenini mchana wa leo kwenye uwanja wa St. Mary's Stadium unaomilikiwa na klabu ya Southampton inayofundishwa na nyota wa zamani wa Chelsea, Mark Hughes ambaye aliwai kutamba na klabu hiyo kwenye miaka ya tisini.

Kuelekea kwenye mchezo huo ambao Chelsea itahitaji kupata ushindi na kuzipata alama zote tatu ili kujiweka sawa kwenye msimamo wa ligi kuu Uingereza ambapo Chelsea inapambania kuweza kushiriki klabu bingwa barani Ulaya kwa msimu ujao hapa nakuletea habari muhimu za kuelekea kwenye mchezo huo.

Habari muhimu;
Chelsea: David Luiz na Ethan Ampadu wote wataukosa mchezo wa leo kutokana na majeraha waliyokua nayo huku Ross Barkley na Danny Drinkwater pamoja na mlinda mlango  Thibaut Courtois wote wakiwa sawa kuweza kupambana katika mchezo huo.

Lakini pia Gary Cahill nae anaweza akatumika tena kwenye mchezo wa leo ambapo kuna uwezekano wa kinda Andreas Christensen kutotumika kutokana na kutumika kwa muda mrefu, anaweza akapumzishwa na nafasi yake kuchukuliwa na Gary Cahill aliyetumika pia kwenye mchezo uliopita ambapo Chelsea ilitoka sare ya 1-1 dhidi ya West Ham.

Southampton; Stephens hatokuwepo kwenye mchezo wa leo kutokana na kuwa na adhabu mara baada ya mchezo uliopita dhidi ya Arsenal kupata kadi nyekundu wakati Steven Davis nae ataukosa mchezo wa leo kutokana na majeraha.

Mwamuzi; Mike Dean ndiye mwamuzi wa mchezo wa leo huku akiwa mwamuzi wa ligi kuu toka mwaka 2000. Katika michezo 65 aliyokuwa mwamuzi wakati Chelsea ikiwa uwanjani, Chelsea imeshinda michezo 42 huku ikitoka suluhu katika michezo 10 na kupoteza michezo kumi na tatu. Wakati majanga yapo kwa Southampton ambapo Mike Dean alipokuwa mwamuzi uku klabu hiyo ikiwa uwanjani kwa msimu huu, wameshinda michezo 2 huku wakitoka suluhu michezo 7 na kufungwa michezo 5.

Michezo iliyopita;
Chelsea; LWLLD
Southampton; DLWLL

Rekodi; Chelsea imepoteza mchezo mmoja kati ya michezo 9 ya ligi kuu iliyocheza dhidi ya Southampton kwenye uwanja wa St. Mary's (Imeshinda 6 na kutoa suluhu mchezo 1) toka mwaka 2013.

Muda; Saa 02:30 Mchana (Saa 14:30) EAT