Chelsea kumtumia Drinkwater kumleta nyota mpya kikosini

Kiungo wa klabu ya Chelsea, Danny Drinkwater anaweza akapewa mkono wa kwaheri kwenye kipindi hiki cha dirisha kubwa la usajili.

Taarifa zilizopo zinadai Chelsea inaweza kuachana na kiungo huyo raia wa Uingereza ambapo inaweza kumuuza au kumtoa kwa mkopo ili kutoa nafasi kwa nyota mpya anayetakiwa kwa karibu na klabu hiyo ya Chelsea, Jean Michael Seri kutoka klabu ya OGC Nice kutoka nchini Ufaransa.

Inaelezwa Chelsea inataka kuachana na nyota huyo aliyesajiliwa kwenye dirisha kubwa la usajili lililopita ambapo Chelsea ilitumia paundi milioni 30 huku akiichezea klabu hiyo michezo 22 na kuifungia goli moja kwenye mchezo ambao Chelsea iliondoka na ushindi wa mabao 5-0.

Chelsea inatajwa kumfukuzia kwa karibu Jean Michael Seri ambaye ni raia wa Ivory Coast huku taarifa za muingereza huyo kutaka kuachwa na klabu hiyo zikisambaa ambapo nyota mwengine pia wa Chelsea, Ruben Loftus-Cheek ambaye ameichezea klabu ya Crystal Palace kwa mkopo akitazamia kuona nafasi kisha ndiyo aamue kuendelea kusalia klabuni hapo.