TANZIA; CHELSEA YAPATWA NA MSIBA

Chelsea imepatwa na msiba wa moja ya mashabiki nguli wa klabu hiyo anayetambulika kwa majina ya Jack Winter ambaye amefariki dunia kutokana na ugonjwa wa kansa ya kibofu.

Jack Winter ambaye alikuwa shabiki mwenye miaka 19 amefariki dunia na baadhi ya mitandao ya mashabiki wa Chelsea duniani kote imeripoti taarifa hizo.

Katika mchezo wa Chelsea dhidi ya Afc Bournemouth, Chelsea itatoa heshima kwa shabiki huyo ambaye amekuwa akisafiri na Chelsea sehemu zote huku akichukua tiketi za kila msimu za kuhudhuria michezo ya Chelsea.

Hapa nakuelezea kwa ufupi ujumbe uliotolewa na Chelsea kwa ajili ya msiba huu.
"Jack Winter amefariki dunia kwa ugonjwa wa saratani ya kibofu aliyoanza kuugua toka mwezi Januari mwaka 2017. Amekuwa shabiki mkubwa wa Chelsea akisafiri pamoja  na timu akienda nayo ikiwa nyumbani, ugenini na hata nchi yoyote barani Ulaya. Mchezo wa Chelsea dhidi ya Bournemouth ndiyo imechaguliwa na wazazi wake, na ndugu zake pamoja na marafiki itumike kama mchezo wa kutoa heshima kwake ambapo heshima hiyo tutaitoa dakika ya 19 ya mchezo. Pumzika mahali pema peponi
#JackWinter19"

Ulazwe mahali pema peponi Amin..
#JackWinter19