KOCHA WA ROMA ATOA NENO, DZEKO KUTUA CHELSEA

Kocha wa klabu ya As Roma, Eusebio Di Francesco amemwelezea mshambuliaji wa klabu yake, Edin Dzeko ambaye anahusishwa kwa karibu kutua Chelsea ambapo anatakiwa akatengeneze safu nzuri ya ushambuliaji klabuni hapo.

"Dzeko? Ni mmoja ya wachezaji waliopo kwenye mipango yangu na ndio maana nikamjumuisha kwenye mchezo dhidi ya Inter Milan. Sitaki kuongelea kuhusu usajili, lakini ye ni mtu wa muhimu sana" alisema kocha huyo alipoiongoza As Roma jana ikitoka suluhu ya 1-1 dhidi ya Inter Milan.

Dzeko anatajwa kutua jijini London ili kukamilisha usajili wa kujiunga na Chelsea akiongozana na mlinzi wa kushoto wa klabu hiyo, Emerson Palmeira ambao wote kwa pamoja wanatajwa kukamilisha rasmi usajili wa kutua Chelsea kati ya jumatatu ya leo au kesho jumanne.