RICHARLISON WA WATFORD AITAMANISHA CHELSEA

 Winga wa klabu ya Watford, Richarlison anatajwa kuvuragana na uongozi wa klabu yake mara baada ya kukasirishwa kutimuliwa kwa aliyekuwa kocha wa klabu hiyo, Marco Silva ambapo kitendo hicho kimemkasirisha nyota huyo raia wa Brazil na ikaonekana huenda akaachana na klabu hiyo.

Kocha Marco Silva aliyekuwa na msimu mzuri klabuni hapo akiwa ni raia wa Ureno ametimuliwa ghafla na klabu yake ambapo kutimuliwa huko kulimkasirisha nyota huyo aliyetua klabuni hapo katika dirisha kubwa la usajili akitokea klabuni Fluminense ya nchini kwao Brazil, na sasa inawezekana Chelsea ikatumia upenyo huo wa nyota huyo kukasirishwa na maamuzi ya klabu yake kuweza kumnyakua ili kumleta Darajani.

Kupitia mtandao wa Twitter, nyota huyo alituma ujumbe wa kuonyesha kikatuni cha kukasirika ambapo hiyo ilitafsiriwa kukasirishwa kwake na uamuzi wa klabu yake.

Chelsea ilikuwa ikipambana na Watford katika kumsajili nyota huyo pindi alipokuwa nchini Brazil kabla ya Watford kufanikiwa kumnyakua, lakini sasa Chelsea imekuwa ikitajwa kumuwania tena katika dirisha hili la usajili na huenda ikafanikiwa kama ikitumia nguvu zaidi kumnyakua winga huyo.