Unataka kujua sababu ya PSG kuachana na Conte? Nimekuwekea hapa

Klabu ya PSG inayoshiriki ligi kuu nchini Ufaransa inaelezwa kuachana na mpango wake wa kumnasa kocha wa Chelsea, Antonio Conte ambaye amekuwa akitajwa na klabu hiyo kama chaguo la kwanza katika kuirithi nafasi ya kocha wa sasa wa klabu hiyo, Unai Emery ambaye anatajwa kutokuwa na maisha marefu klabuni hapo kutokana na kutolewa kwenye michuano ya klabu bingwa barani Ulaya.

Chanzo kimoja kimeripoti kuwa kwa sasa klabu hiyo iliyotumia fedha nyingi kwenye usajili inamtaka kocha wa Juventus, Massimiliano Allegri ambaye kocha huyo emekuwa akitajwa pia na Chelsea kuwa anaweza kuwa kocha wa klabu hiyo kama Antonio Conte ataondoka.

Lakini unajua kwanini PSG wameachana na Conte na kutua kwa Allegri ambaye wamemfanya kuwa chaguo la kwanza?

Klabu ya PSG inaamini kuwa Antonio Conte kama ataondoka Chelsea basi chaguo lake ni kuungana tena na timu ya taifa ya Italia ambayo alikuwa akiifundisha kabla ya kutua Chelsea, lakini pia mafanikio ya kocha wa Juventus kwenye michuano ya klabu bingwa Ulaya yanamfanya kocha Allegri kuwapendeza sana matajiri wa PSG.