CHELSEA YA 5000 KESHO DHIDI YA EVERTON

Katika mchezo wa kesho wa ligi kuu Chelsea itaenda kutimiza mchezo wake wa 5000 kucheza katika michuano yote ambayo Chelsea imewai kushiriki. Ni rekodi mpya klabuni hapo tangu kuanzishwa kwake tarehe 10-3-1905.

Hapa nakuletea kumbukumbu ya michezo ambayo Chelsea ilicheza kutimiza michezo 1000

Mchezo wa 4000
Chelsea katika mchezo wake wa 4000 ilimenyana na Everton kama itakavyotokea hapo kesho ambapo hiyo ilikuwa tarehe 11-3-2000, siku moja baada ya Chelsea kutimiza miaka 105. Mchezo huo ulichezwa katika uwanja wa nyumbani, Stamford Bridge ambapo Chelsea ilikuwa inazifukuzia klabu za Manyumbu (Man utd) na Leeds United huku Chelsea ikiongoza mpaka kwenda mapumziko ikiwa mbele kwa goli 1-0, goli likifungwa na nahodha Denis Wise ila mambo hayakuwa sawa ambapo mchezo uliisha kwa sare ya 1-1.

Mchezo 3000
Mchezo huu ulichezwa tarehe 29-11-1980 ambapo Chelsea ilimenyana na Notts Country ambapo tulikuwa ugenini katika ligi daraja la pili ambapo kwa kipindi hicho Notty County ndio walikuwa wapinzani wakubwa wa Chelsea katika kupanda daraja. Notts County ndio ilikuaa ya kwanza kupata goli kabla ya dakika kadhaa baadae Chelsea kuchomoa goli hilo na kutufanya tushike nafasi ya pili kwenye msimamo wa ligi hiyo daraja la kwanza.

Mchezo 2000
Muda huu Chelsea iliwalazimu kutoka Uingereza kwenda mpaka Wales ambako huko ilitakiwa kumenyana na klabu ya Cardiff ambapo hiyo ilikuwa tarehe 10-12-1960. Cardiff waliuanza mchezo huu kwa kasi na kufanikiwa kupata magoli 2 katika dakika 20 za kipindi cha kwanza na kuifanya Chelsea kuwa nyuma kwa mabao 2-0. Kama isingekuwa uzembe wa mshambuliaji wa Chelsea wa kipindi icho, Jimmy Greaves huenda mchezo huo ungeisha kwa 2-1 ambapo kinda huyo alikosa goli la wazi kabisa.

Mchezo 1000
The Blues au the Pensioners, kama tulivyokuwa tunatambulika kipindi iko, ilicheza mchezo wake wa kwanza wa kutimiza mchezo wa 1000 hiyo ikiwa ni tarehe 14-04-1932 ambapo tulicheza dhidi ya Newcastle huku gwiji wa soka wa klabu hiyo ya Newcastle, Hughie Gallacher alihama Newcastle kuja kuhamia Chelsea, ambapo kwa mara ya kwanza alikuwa anacheza na klabu yake ya zamani huku akikutana na wachezaji wenzake wa zamani. Ila kama waswahili wanavyosema kuku wako haina haja ya kumshikia manati, basi ilo alilitimiza Gallacher mara baada ya kuifunga timu yake magoli 3 (hat trick) huku Chelsea ikishinda 4-1 ambapo goli moja jengine lilifungwa na raia wa Scotland, Alex Jackson.

Usije kushangaa kesho mabango ya Chelsea yenye namba 5000 yakipita kwa mashabiki wa Chelsea, hii ndio itakuwa sababu kuwa Chelsea itatimiza mchezo wake wa 5000.