DAVID LUIZ ALETA VITENDAWILI VINGI DARAJANI

Kama alivyosema kocha Antonio Conte kuwa katika kipindi kama hiki cha usajili kuna mengi yatasemwa huku fununu zikiwa nyingi, lakini katika fununu hizo kuna fununu za kweli na kuna fununu za uongo.

Gazeti moja nchini Italia limeripoti kuwa mipango ya kocha Antonio Conte ni kumleta mlinzi raia wa Italia, Leonardo Bonucci huku akitaka kufanya mabadilishano na David Luiz, yaani Bonucci asajiliwe Chelsea huku akimuuza David Luiz.

Gazeti hilo pia linaripoti kuwa kocha Antonio Conte alifanya mawasiliano na Bonucci ambaye kwa sasa anaichezea AC Milan akitokea Juventus na akamuuliza kama ana furaha klabuni Milan na kama hana furaha basi amlete Darajani.

David Luiz hajacheza mchezo wowote toka alipojumuishwa kwenye kikosi kilichofungwa 3-0 na AS Roma huku kocha Antonio Conte akisema ni majeruhi huku kukiwa kuna fununu kuwa Luiz anasema kuwa ameshapona, na sasa kuna klabu zishaanza kumfukuzia ambapo Barcelona ndio inaongoza katika mbio izo.

Sasa kama inavyoeleweka kuwa David Luiz anapendwa na mashabiki wengi wa Chelsea duniani kote, Je watakubali kumuona anauzwa ili Bonucci mwenye miaka 30 aje Chelsea?