PL; EVERTON vs CHELSEA, HAZARD KWA MORATA

Kuelekea mchezo wa leo mida ya chakula cha mchana yaani saa 15:30 ambapo kutakuwa na mchezo mgumu katika uwanja wa Goodison Park, Chelsea itakaribishwa na klabu ya Everton huku mchezo huo ukiwa wa mwisho katika mzunguko wa kwanza wa ligi kuu Uingereza huku Chelsea ikishuka katika mchezo huo kutimiza mchezo wa 5000 kwa mashindano yote toka ilipoanzishwa tarehe 10-03-1905.

Katika mchezo huo Chelsea itamkosa mshambuliaji wake Alvaro Morata ambaye ana adhabu ya kuukosa mchezo mmoja mara baada ya kupata kadi tano za njano ambapo kadi ya tano aliipata katika mchezo wa robo fainali ya kombe la ligi siku ya jumatano akifunga goli lililoipatia Chelsea ushindi uliomaanisha kufanikiwa kufuzu kucheza hatua ya nusu fainali ya kombe hilo la ligi, Carabao Cup.

Kuelekea katika mchezo huo ambao Chelsea itataka kushinda ili kujiweka sawa katika kampeni yake ya kutetea taji la ligi kuu Uingereza ambapo kama itashinda mchezo wa leo itatimiza alama 41 na kupunguza pengo la alama lililokuwa kati yake na vinara wa ligi hilo, Manchester city kutoka alama 14 mpaka kufikia alama 11.