BATSHUAYI AKARIBIA SEVILLA

Kuna taarifa zimetolewa na moja ya mitandao barani Ulaya zikieleza Chelsea imekubali ofa kutoka klabu ya Sevilla juu ya kumsajili kwa mkopo nyota wa Chelsea, Michy Batshuayi.

Mkopo huo unatajwa kuwa na fungu ambapo Sevilla itatakiwa kutoa dau la paundi milioni 1.3 ili kumvuta nyota huyo raia wa Ubelgiji.

Kuondoka kwa nyota huyo mwenye miaka 24 kwa sasa kunaweza kufanya usajili wa mkopo au wa moja kwa moja wa nyota wa West Ham, Andy Carroll kuweza kutua Chelsea.

Kuna taarifa zinadai kuwa West Ham imegoma kumtoa nyota huyo mwenye miaka 29 kwa sasa kwa mkopo na huenda Chelsea ikamnunua ili aje kuwa mbadala wa Alvaro Morata.