MADRID WAMTAKA HAZARD KWA MABADILISHANO

Klabu ya Real Madrid bado haijashindwa na haijakata tamaa juu ya kumvuta nyota wa Chelsea, Eden Hazard ili ajiunge kwenye klabu hiyo.

Gazeti moja la nchini Hispania limeripoti kuwa klabu hiyo ambayo imekuwa na mwenendo kwenye ligi kuu nchini kwao inamtaka Eden Hazard ila safari hii ikimtaka kwa mabadilishano.

Klabu hiyo ipo tayari kumtoa mchezaji wao ghali zaidi klabuni hapo aliyesajiliwa kwa dau la paundi milioni 85, Gareth Bale ili ibadilishane na Chelsea na wao kumpata Eden Hazard.

Gareth Bale ambaye amekuwa akisumbuliwa na majeraha ya mara kwa mara amekuwa akihusishwa kutakiwa na klabu kadhaa nchini Uingereza lakini sasa Madrid ipo tayari kumtumia nyota huyo raia wa Wales ili ibadilishane na Eden Hazard.