CHELSEA YATAJWA KWA NYOTA WA LEICESTER

Klabu ya Chelsea inatajwa kumfukuzia nyota kutoka klabuni Leicester city, Islam Slimani ambaye ni raia wa Algeria ili kujiimarisha vyema kwenye safu ya ushambuliaji.

Kwa nafasi ya ushambuliaji inaonekana kuiumiza sana kichwa Chelsea huku ikihusishwa kwa washambuliaji kama Edin Dzeko, Petr Crouch na sasa imedondokea kwa mshambuliaji huyo mwenye miaka 29 huku akionekana kuwa na wakati mgumu kwenye kikosi hicho cha Leicester iliyochini ya kocha Claude Puel.

Chelsea inamtaka nyota huyo kwa mkopo huku ikielezwa mshambuliaji wake namba mbili baada ya Morata, Michy Batshuayi akifanywa kuwa kipaumbele katika sajili za klabu ya Borrusia Dortmund ambayo yenyewe inatajwa kumpoteza mshambuliaji wao Pierre Aubameyang akitajwa kuondoka katika dirisha hili la usajili.