CONTE KUMPIGA 'STOP' KENNEDY

Kocha wa Chelsea, Antonio Conte anaelezwa kusimamisha mpango wa nyota wa klabu hiyo, Kennedy kuondoka klabuni hapo ambapo alikuwa anahusishwa kujiunga na klabu inayoshiriki ligi kuu Uingereza, Newcastle united ambayo imetoka kupata sare wiki hii dhidi ya Swansea, sare ya 1-1.

Kocha wa newcastle, Rafael Benitez anatajwa kumfukuzia winga huyo mwenye uwezo wa kucheza pia kama mlinzi wa pembeni lakini sasa Conte anaonekana kuufuta mpango huo na hataki kumtoa nota huyo huku sababu kubwa inayotajwa kumfanya Conte asitishe ni kutokana na kushindwa kumnasa mlinzi wa kushoto wa Juventus, Alex Sandro.

Alex Sandro alikuwa akitakiwa kwa kipindi kirefu na kocha Antonio Conte lakini tatizo linaonekana kuna ugumu sana kumvuta nyota huyo raia wa Brazil na Conte kuamua kumbakisha Kennedy ili awe mbadala wa mlinzi wa kushto, Marcos Alonso.