NAINGGOLAN AFANYA MAZUNGUMZO NA CHELSEA

Kuna habari hazijasambaa sana, zikiwa zimetolewa na mmoja wa watu wanaoaminika kuwa na taarifa sahihi, Kristof Terreuer zikimhusu nyota wa AS Roma, Radja Nainggolan ambaye amekuwa akihusishwa kutakiwa na Chelsea kutokana na kuwa na mgogoro na klabu yake ya sasa huku kocha wake akimtupa kwenye kikosi kilichomenyana na Atalanta.

Mtu huyo ametuma habari katika mtandao wa Twitter na kuripoti kuwa Nainggolan alikutana na wawakilishi wa Chelsea lakini pia Chelsea ilifanya mawasiliano na klabu yake ingawa hawakufikia makubaliano na hivyo nyota huyo huenda akajiunga na klabu mojawapo nchini China.

Chelsea imekuwa ikimfukuzia nyota huyo kwa muda mrefu, lakini sasa ni kama alikuwa njiani kutua Chelsea kutokana na kuwa na mgogoro mkubwa na klabu yake, na kama Chelsea ikitumia nguvu zaidi na ushawishi mkubwa huenda nota huyo akatua Darajani haswa kutokana na kutoonekana kuwa na nafasi katika kikosi cha As Roma.