MAHREZ AITAMANISHA TENA CHELSEA

Nyota wa klabu ya Leicester city, Riyad Mahrez ambaye ni raia wa Algeria inayopatikana barani Afrika anatamani kuondoka klabuni hapo ili atafute klabu nyengine huku Chelsea ikihusishwa kumnyemelea nyota huyo mwenye uwezo mkubwa wa kukokota mpira na kuumiliki.

Chelsea imekuwa ikimfukuzia kimyakimya nyota huyo kabla ya kuvunjwa moyo na kocha wake wa klabu ya Leicester city, Claude Puel aliposema nyota huyo ana furaha ya kuendelea kubaki klabuni hapo na hawamtazamii kumuuza na huku akisema ameshakutana nae sana na mara zote nyota huyo amekuwa akikiri hatazamii kuondoka klabuni hapo.

Lakini leo mtu wa karibu wa nyota huyo aliyejitambulisha kwa jina la Nabil Djellit ametoa taarifa inayokanusha maneno ya kocha huyo akisema nyota huyo hataki kuendelea kusalia klabuni hapo na mkataba unamruhusu kuachana na klabu hiyo.

Kauli hiyo ya jamaa wa nyota huyo inaweza kuiamsha tena Chelsea na kurudia katika mpango wa kumsajili winga huyo anayewindwa pia na baadhi ya klabu nchini Uingereza.