KUELEKEA BRIGHTON vs CHELSEA, CAHILL NA FABREGAS NJE

Kuelekea mchezo wa kesho, Chelsea ikisafiri kwenda mpaka Falmer Stadium ambao ni uwanja wa klabu ya Brighton and Hove inayopatikana kusini mashariki mwa nchi ya Uingereza. Kocha Antonio Conte amefanya mkutano na waandishi wa habari kuelekea kwenye mchezo huo. Hapa nakuletea mfululizo wa mambo aliyohojiwa na kuyatolea ufafanuzi;

Alipoulizwa juu ya Majeruhi na walio kwenye vifungo kucheza mchezo huo
Kocha Antonio Conte alijibu "Kwa upande wa majeruhi ni Gary Cahill na Cesc Fabregas. Lakini kwa upand wa Morata ndio tatizo zaidi kuukosa mchezo huu maana mchezo dhidi ya Norwich ilikuwa asicheze ili aje kucheza mchezo huu, lakini alipocheza na kupata kadi nyekundu imekuwa tatizo sana"

"Niliangalia vizuri tukio la Willian, ilikuwa ni penati kweli, kwa upande wa Morata ni kweli aliguswa lakini kama haikuwa penati basi alistahili kupewa kadi ya njano lakini kwa Pedro, ni kweli alijiangusha" alisema kocha huyo alipohojiwa juu ya matukio yaliyotokea kwenye mchezo wa kombe la FA dhidi ya Norwich