SANCHEZ AWAINGIZA VITANI CONTE NA MOURINHO

Nyota wa klabu ya Arsenyani (Arsenal), Alexis Sanchez amekuwa akihusishwa kwa karibu kutakiwa na klabu ya Manyumbu (Man utd) huku Mama site (Man city) wakijitoa katika kumuwania nyota huyo, sasa Chelsea nayo inatajwa kupeleka dau kwa nyota huyo ili aungane na klabu hiyo ya jiji la London.

Chelsea imeandaa ofa ili kumshawishi nyota huyo raia wa Chile ambaye kumekuwa na taarifa nyingi zikimtaja nyota huyo kuhusishwa na klabu ya Manyumbu ambao wao wanapewa nafasi kubwa ya kumnasa kutokana na kuwa tayari kumlipa paundi 400,000 kwa wiki huku kwa mshahara huo kama ikifanikiwa kumnasa basi atakuwa mchezaji anayelipwa zaidi katika ligi kuu Uingereza.

Lakini sababu nyengine inayowafanya Manyumbu wawe na nafasi kubwa ya kumnasa ni kutokana na kuwa tayari kuipa Arsenyani paundi milioni 20 pamoja na mchezaji mmoja ambaye ni Henrick Mkhitaryan lakini pia Manyumbu wapo tayari kumpa wakala wa nyota huyo fungu la paundi milioni 10.

Ila katika dirisha la usajili lolote linaweza kutokea huku kwa upande wa Sanchez mwenyewe aliwai kukaririwa akisema anapapenda London na anatamani kubaki ambapo kwa mantiki hiyo anaweza akaichagua Chelsea.

Lakini pia katika mchezo wa kombe la Carabao kati ya Chelsea dhidi ya Arsenyani, kocha wa Chelsea, Antonio Conte alionekana akizungumza na Sanchez pindi walipokuwa wanatoka mapumziko ambapo huenda kocha Conte alifanya ushawishi wake kwa nyota huyo huku akishindwa kukana mapenzi yake kwa nyota huyo alipoulizwa na waandishi wa habari juu ya nini alimwambia Sanchez.

"Nilimsalimia tu, nlitaka kumuonyesha kwanini bado namhusudu maana nilipokuwa Juventus(kama kocha) niliwai kujaribu kumsajili akitokea Udinese ila ilishindikana na akatimkia Barcelona. Kwa hiyo ile siku nilipoonana nae nikaona niwakati sahihi wa kumuonyesha kwamba bado nampenda" alisema kocha Antonio Conte.