CHELSEA KUMVUTA TENA HAZARD

Klabu ya Chelsea inatajwa kumfukuzia tena winga wa Ubelgiji, Thorgan Hazard ambaye ni mdogo wa nyota wa Chelsea, Eden Hazard ambao wote kwa ujumla walishawai kucheza pamoja wakiwa Chelsea.

Thorgan Hazard ambaye kwa sasa anaichezea kwa mafanikio makubwa klabu ya Borrusia Monchnglebach ya nchini Ujerumani inayoshiriki ligi kuu nchini humo maarufu kama Bundesliga amekuwa akihusishwa kutakiwa na Chelsea ambako huko kuna ndugu zake Eden Hazard pamoja na Kylian Hazard ambaye anaichezea Chelsea ya vijana.

Thorgan Hazard aliwai kuulizwa juu ya tetesi zake za kutakiwa na klabu za nchini Uingereza na kusema "Ukiwauliza wachezaji wanaocheza huko, wengi wanakwambia Bundesliga pia ni ligi bora kama ilivyo ligi ile, na hata kwa viwanja, Bundesliga ina viwanja bora na vizuri"

"Kuhusu mambo yanayohusu nje ya soka yote yapo chini ya wakala wangu ambaye ni baba yangu. Kwa maana hiyo yeye ndio atamalizana na klabu na mie sishughuliki na hayo yanayosemwa kuhusu mimi" alisema hivyo nyota huyo.

Chelsea inaweza kuwatumia Eden Hazard na Kylian Hazard kama washawishi ili kumshawishi nyota huyo kujiunga na Chelsea. Lakini pia mchezaji huyo anatajwa kuwa na mahusiano mazuri na mlinzi wa Chelsea, Andreas Christensen ambaye naye alishawai kucheza Borrusia Monchnglebach ambapo alienda huko kwa mkopo akitokea Chelsea.

Mchezaji huyo anatakiwa pia na Leicester city ambayo inatajwa kukamilisha usajili huo endapo itaachana na winga wake Riyad Mahrez anayetajwa kutakiwa na Mama site (Man city)