MICHY BATSHUAYI AIBEBA TENA DORTMUND

Nyota wa Chelsea anayeichezea kwa mkopo klabu ya Borrusia Dortmund, Michy Batshuayi jana ameiongoza vyema klabu yake hiyo kwenye michuano ya Europa League hapo jana akifunga magoli mawili kwenye ushindi wa mabao 3-2 dhidi ya Atalanta ya nchini Italia.

Nyota huyo mwenye miaka 24 kwa sasa ambaye ni raia wa Ubelgiji, jana aliiongoza klabu hiyo kupata ushindi huo muhimu na kuifanya klabu hiyo kujipatia ushindi huo ambao unawapa faida kwa kupata ushindi wake katika michuano hiyo ya Europa League.

Magoli yake hayo mawili yanakamilisha magoli matano kwa nyota huyo toka ajiunge na klabu hiyo katika dirisha dogo la usajili la mwezi Januari ambapo amejiunga huko kwa mkopo utakaomfanya kucheza hapo mpaka mwishoni mwa msimu.