WILLIAN ASHINDA GOLI BORA LA MWEZI

Nyota wa klabu ya Chelsea, Willian da Silva Borges amechaguliwa kuwa mshindi wa goli bora la mwezi januari katika ligi kuu Uingereza.

Nyota huyo amepewa zawadi ya ushindi wa kipengele hicho kutokana na goli alilolifunga katika mchezo wa ligi kuu dhidi ya Brighton ambapo Chelsea ilipata ushindi wa mabao 4-0.

Baada ya kushinda tunzo hiyo, nyota huyo alisema "Kiuhakika lile lilikuwa ni moja ya magoli yangu bora niliyowai kuyafunga katika maisha yangu ya kisoka. Lilikuwa ni goli la kipekee, ulikuwa ni wakati mzuri, ilikuwa ni siku ya kiwango bora kwa timu nzima" alisema nyota huyo.

Nyota huyo raia wa Brazil, ameshinda tunzo hiyo ambayo ni tunzo yake ya kwanza kwa msimu huu wa ligi kuu Uingereza na imekuwa tunzo muhimu na kubwa kwake kuelekea mchezo wa leo usiku ambapo Chelsea itakuwa nyumbani kuikaribisha Hull city katika mchezo wake wa raundi ya tano ya michuano ya kombe la FA ambapo timu itakayopata ushindi itafudhu kucheza hatua ya robo fainali ya michuano hiyo.