Valverde atoa amri kuhusu nyota wa Chelsea

Huenda alipendezwa na uwezo aliouonyesha kwenye michezo miwili zilipokutana klabu hizo katika hatua ya 16 bora ya klabu bingwa barani Ulaya pale ambapo Chelsea ilimenyana dhidi ya Barcelona ambapo Chelsea haikupata nafasi ya kuvuka hapo na toka baada ya michezo hiyo, klabu ya Barcelona imekua ikitajwa kumfukuzia mlinzi na winga wa kushoto wa Chelsea, Marcos Alonso.

Kwa mujibu wa gazeti la Express linadai kocha wa klabu hiyo ya Barcelona kutokana nchini Hispania, Ernesto Valverde ameuagiza uongozi wa klabu yake kufanya mpango wa kumnasa mlinzi huyo mwenye ufundi wa hali ya juu haswa kwenye eneo la ushambuliaji.

Gazeti hilo limeripoti kuwa kocha huyo ameupa taarifa uongozi wa klabu hiyo kuwa anamtaka mlinzi huyo ambae ni raia wa Hispania ili akampe upinzani mlinzi wa kushoto klabuni Barcelona, Jordi Alba ambae amekua akicheza bila upinzani kwa muda mrefu na hivyo kumuhitaji Marcos Alonso ili aweze kumpa upinzani mlinzi huyo.

Marcos Alonso mpaka sasa ameshaifungia Chelsea magoli saba huku akiwa mmoja wa walinzi wenye magoli mengi kwa msimu huu barani Ulaya.