Chelsea kushuka uwanjani, yakaribia nusu fainali

Mara baada ya kupata ushindi wa mabao 0-2 katika mchezo wa kwanza wa klabu bingwa barani Ulaya kwa soka la wanawake, klabu ya Chelsea Ladies inajiandaa tena kushuka uwanjani kucheza dhidi ya klabu ya Montpellier siku ya kesho tarehe 28-Marchi ambao ni mchezo wa marudiano wa michuano hiyo maalumu kwa bara la Ulaya.

Chelsea Ladies ambayo juzi ilinusurika kupoteza mchezo wake wa ligi kuu kwa wanawake nchini Uingereza, mara baada ya kuongozwa magoli 2-0 dhidi ya Reading kabla ya baadae kujikwamua na kufanikiwa kupata suluhu ya mabao 2-2 itashuka uwanjani hapo kesho kucheza mchezo wake huo wa klabu bingwa barani Ulaya huku ikiwa na faida ya magoli mawili ya ugenini itahitaji ipate suluhu wa aina yoyote ili iweze kufudhu au hata kama ikifanikiwa kupata ushindi itakuwa ni heri zaidi.

Lakini hata kama ikifanikiwa kupoteza mchezo huo basi ipoteze kwa magoli ambayo yakijumuishwa magoli ya jumla basi jawabu liwe tofauti ya goli moja basi itafanikiwa kuvuka na kucheza hatua ijayo ambayo itakuwa ni nusu fainali.

Mchezo huo utachezwa kwenye uwanja wa Chelsea Ladies maarufu kama Kingsmeadow huko jijini London muda ukiwa ni saa 22:45